عاش مسجون او خلص عمرة ابسجن من ظلام السجن رايـــــــــــــح للدفــــــن خلّص اسنين العمر بالنايبات بالسجن عاش وبعد بالسجن مات منحرم من الشمس وبظُلمة بات من الفجر للفجر تسبيح او وصلاة ليله ونهارة سوة ﮔلبة عالآه إنطوة عايش بوحشة وظُلم بالسجن ماكو ضوه من يون السلسلة الـ بيده تون من ظلام السجن رايـــــــــــــح للدفــــــن شما قسى اعليه السجن صبرة يزود عاش سجنة منحني بوضع السجـــود معصمة المجروح يرمز للصمــــود واسة زينب بالسلاسل والقيــــود مدمع اعيونه يهل لو ذكر مهد الطفل لمّن تجرحة القيود يشعر بجرح الحبــــــل يهون حزنة لو ذكر ام الحزن من ظلام السجن رايـــــــــــــح للدفــــــن من هوان الدنيا وأصعب مايكون حجة الله اعله الخلق رهن السجون صاحب البرهان والقلب الحنون عايش بغربة بلا أهل وبنون بين أركان أربعة يدعي ربة ابمدمعة يا إلهي عن قريب جنازتي متشيّعة طلب موتة بـﮕلب راضي او مطمئن من ظلام السجن رايـــــــــــــح للدفــــــن من بعد أعوام خلّص ينتقـــل من سجون البصرة ولسجن الفضل فرحت الناس ابخروجة او تبتهل بأربع امحاميل تالي ينحـــمل شيعتة ال متلهفة بالأجل مو عارفة مادروا عمرة إنتهى وبالسجن نورة إختفى صاح ناعي البين بدموع الجفن من ظلام السجن رايـــــــــــــح للدفــــــن سابع اليمة ابسجون اللارشيد عاش سبع أعوام عن أهلة بعيد بالمطامير بسجن اظلم وحيد تحز بـﭽـفوفة السلاسل والحديد خلص سنين العمر ﭽـفة قابض عالجمر طلع من ظلمة سجن او رايح لظلمة ﮔـبر بالسجن عمرة خلص عالي الشأن من ظلام السجن رايـــــــــــــح للدفــــــن