To kaise ho tum log? Tumhara bhai wapas aa chuka hai... tum logon ko ekdum sahi raste pe le jaane ke liye! Abhi tum jahan khade ho na, wahan se tumhare samne do raste hain. Ek rasta... jahan bas mauj-masti aur fun hai. Aur doosra rasta... jahan poora struggle hai. Lekin tum abhi sirf agle do saal ka soch rahe ho. Par kabhi socha hai ki un do saal ke BAAD kya hoga? Agar ye do saal tumne mauj-masti me bita diye... toh aage ki poori life kya hogi? Aur agar yehi do saal tumne jamkar struggle kar liya... toh aage ki life kaisi hogi? Faisla tumhara hai. Lekin haan, agar struggle ka rasta chun rahe ho na, toh ek baat dimag me bitha lena—is raste par paison ki dikkat hogi, akelapan hoga, log sath chhod denge, koi tumhare sath khada nahi hoga, yahan tak ki khelne-koodne ka time bhi nahi milega. Shuruat me har taraf bas takleef hogi. Par yaad rakhna... ye do saal ki kadi mehnat ke baad jo tumhe milega na... wo kisi aur ke paas nahi hoga! Meri baat maan lo... Wo mukam kisi aur ke paas nahi hoga.
ENFemininoAntigoNarraçãoEducacionalMédioSuaveCalmoMedidoLimparRoucaSuaveNarrativaNarrativaProfessor
