Us din mausam kaafi ajeeb tha. Baarish ho rahi thi, bijli chamak rahi thi… aur main apne dost ke ghar pe pehli baar night-stay ke liye gaya tha. Uska ghar… purana sa tha. Lakdi ki farsh, purani khidkiyaan, aur ek guest room… jo hamesha band rehta tha. Shaam ko humne Maggi banayi, horror movie dekhi… aur masti karte hue raat ho gayi. Tabhi achanak… lights chali gayi. Sab kuch andhera ho gaya. Aur phir... Upar se koi awaaz aayi. Jaise koi chhupke chhupke chal raha ho. Maine usse pucha — “Tere mummy papa toh bahar gaye hain na?” Usne sirf haan mein sir hila diya. Mera gala sukh gaya tha. Par humne socha dekhte hain kya hai. Main aur mera dost, cricket bat aur torch lekar seedhiyan chadh gaye. Guest room ka darwaza khula tha… par andar koi nahi. Par phir… cupboard hilne laga. Mere muh se bas nikal gaya — “Bhooottt!!!” Aur hum dono zor se bhag ke neeche aa gaye. Table ke neeche chhup gaye. Usi waqt… kitchen se awaaz aayi