Dear Tara, log kehte hain Ved kahaanikaar tha aur uski khud ki kahaani toh tumne likhi thi. Ved kalakaar toh tum nirdeshak, Ved Don toh tum Mona Darling. Ved robot toh tum clown. Ved ka akelaapan door karne chali thi aur khud akeli pad gayi. Apna birthday akele manaati ho aur uska birthday sabke saath. Tum toh woh Asterix Comics ki asli fan thi na jo usi duniya ko jeene ke liye sach mein akele Corsica chali gayi thi. Phenk bikhera apna sab kuch kiske khaatir? Jab tum mili thi Don se tab Kolkata mein koi tha na tumhara, tumhari home company ka kaam bhi tum khoobi se sambhaalti thi na? Apna shehar chhod kaam ke liye Delhi chali gayi thi tum, woh Don se milne Social mein akeli baithi rahi tum, aur badle mein tumhe kya mila? Teja ka sona? Are woh toh tumhare hi andar tha na. Tum bhi shayad painter thi aur apne shauk bhi kaam ke liye chhode the na tumne. Shayad isiliye sirf tum hi samajh payi Ved ko, na uske dost, na gharwale. Par woh saat din mein tum... khud toota hua tha Ved aur shayad tumhara tootna tay tha use neend se jagaane ke liye. Aksar tootta tara hi toh sabki wish poori karta hai na. Woh nukkad wala bhi shayad bin Tara ka Ved tha, kyunki agar tum nahi milti Ved se toh uske bachpan ka kahaanikaar, woh kabhi woh kalakaar ban hi nahi paata. Ved ka tumse milna tay tha. Par pehle kyun nahi mili tum mujhse? Haan, shayad aakhir jab tak poora andhera nahi hota tab tak kahan dikhta hai Tara?
HIMâleJeuneNarrationDivertissementConversationnelVoix de personnageMoyenCalmeDétenduDouxEmpathiqueExpressifTon neutreNarrationRécitD'âge moyen
