Dharamshala Government College... 19 saal ki ek bachi, Pallavi (name changed/as per reports), jiske sapne ek pal mein bikhre nahi, balki tod diye gaye. Hum anti-ragging papers ko 'raddi' samajhte hain, par pucho us baap se jisne 1st January 2026 ko FIR likhwai. Usne apni beti ko Ludhiana ke hospital mein dum todte dekha. Ye sirf ek maut nahi hai, ye system ka failure hai." September 18, 2025... ye woh din tha jab sab khatam hona shuru hua. Teeno seniors—Harshita, Aakriti, aur Komolika—ne usse itna maara, itna darraya ki woh tut gayi. Ek senior ne toh bottle se maara aur uske baal tak kaat diye. Par darindagi yahan nahi ruki. College ka ek professor, Ashok Kumar, us bachi ke piche pada tha. Marne se pehle us bachi ne video banayi thi, rote hue kaha tha—'Ashok sir bahut gande hain, woh ajeeb harkatein karte thhe, piche pad jaate thhe aur galat tareeke se touch karte thhe.' Jab usne awaaz uthayi, toh usse dhamkaya gaya. Socho, jahan bacha safe feel karna chahiye, wahi log shaitan ban gaye." Us din ke baad woh bachi college nahi gayi. Woh itne trauma mein thi ki uski physical health girne lagi. Uske pita usse Dharamshala se lekar alag-alag hospitals bhatakte rahe, end mein Ludhiana ke hospital (DMCH) mein admit karwaya. Wahan 26 December ko usne aakhri saans li. College administration tab bhi so raha tha. Police ne FIR tab likhi jab CM Helpline pe pressure aaya. Hum log in cheezon ko 'ignore' karte hain kyunki hume lagta hai ye hamare sath nahi hoga. Par ye kisi ke sath bhi ho sakta haiAaj woh professor suspend hai, aur un seniors par BNS Section 75 (Sexual Harassment) aur Section 115 (Voluntarily causing hurt) lag chuka hai. Par kya uski jaan wapas aayegi? Anti-ragging papers sign karte waqt ye yaad rakhna—woh sirf ink nahi hai, woh ek insaan ki safety ka vaada hai. Agar koi professor ya senior limit cross kare, toh chup mat raho. Aaj Pallavi chali gayi, kal koi aur na jaye. Speak up before it's too late."