I am sorry... Main jaanta hoon ki maine jaane anjaane mein tumhein bahut takleef pahunchayi hai. Ho sake to mujhe maaf kar dena. Main bura bilkul bhi nahin hoon, bas mera waqt itna bura chal raha hai ki sab kuch chhoot gaya — shaadi bhi, zindagi bhi. Mera intention kabhi bhi tumhein dukh dene ka nahi tha. Main sirf koshish kar raha tha ki kisi tarah tumhein mana loon, tumse baat kar loon, tumse mil loon — par main woh bhi nahi kar paaya. Ab to meri himmat bhi toot gayi hai... aur khud se nafrat si hone lagi hai. Meri zindagi mein tum hi woh insaan thi jiske saath main dil khol ke baat kar sakta tha. Tum meri himmat thi, meri taqat thi, mera pyaar thi, mera sab kuch thi. Mera mann kehta hai ki ek din tumhein meri yaad zaroor aayegi, Aur tab tum samjhogi ki main jaisa bhi tha, maine tumse bina kisi expectation, bina kisi ummeed ke pyaar kiya tha. Shayad tum mere bina zyada khush ho... to meri sirf ek dua hai — Bhagwan tumhari har khwahish poori kare. Tum jahan bhi raho, khush raho... hamesha.