Sach bataana… “Kabhi socha hai… sab kuch hote hue bhi ham khush kyu nahi hai, hum andar se toot kyu jate hain?” Iska ek hi reason hai- OVERTHINKING. Aaiye ravi ki kahani se samajhte hain.“Ye kahaani har uss insaan ke liye hai jo andar se thak chuka hai, toot chuka hai” Ravi ke saath bhi kuch aisa hi ho raha tha..woh Roz subah uthta, Office jaata, kaam karta, shaam ko thak ke ghar aa jaata. Bahar se toh sab kuch normal tha. Lekin andar… andar se kuch bhi normal nhi tha.. Ravi aksar sochta tha — “Sab kuch toh hai… Par phir bhi main khush kyun nahi hoon?” Wo kabhi apne past ko yaad karta toh kabhi apne future ke baare mein sochta. Ek din shaam ko Ravi ghar ke terrace par khada tha. Shehar ki lights jal rahi thi, log apni-apni zindagi me busy the. Uss pal Ravi ko ye ehsaas hua ki woh sabke beech rehkar bhi akela mehsoos kar raha tha. Agle din wo late night office ka kaam khatm karke ghar pahucha wo kaafi thak gaya tha.. Ravi ki maa ne usse poochha — “Beta, tu thak gaya hai na?” Wo pal aisa tha, jab Ravi ko ye samajh hi nahi aaya ki wo pareshan hai… ya sirf thaka hua hai Woh bas muskuraya aur sone chala gaya. Aaj Ravi subah mein kaafi jaldi uth gaya because usse neend nhi aa rahi thi, usne socha chalo thoda walk karne chalte hain aur woh uth kar walk par nikal gaya. Phone ke saath nahi, sirf khud ke saath. Subah walk par nikalte waqt Ravi ka mann kaafi bhaari tha. Phone toh usne ghar chhod diya tha, bas chupchaap chal raha tha. Thodi door jaate hi ek chhota sa mandir dikha. Zyada bheed nahi thi Aur shanti bhi bahot thi Ravi ne socha "chalo aayaa hu toh mandir se hokar chala jaaunga" aur woh mandir ke andar chala gaya. Waha Uski nazar saamne Shri Krishna bhagwan ki murti par padi. Usne bhagwan ki murti ki or dekha, Bhagwan shri krishna muskura rahe the. Ravi kuch seconds tak bas dekhta raha aur uske mann me ek sawal aaya — “Maine jab bhi shri Krishna ki murti ko dekha hai hamesha muskuraate hue hi dekha hai… par aisa kyun? ” wo aisa soch hi Raha tha tabhi usee apne andar se awaaj aayi.. **“Shayad bhagwan ye samjhana chahte hain ki- Asli khushi sirf Vartamaan mein hai. Agar tum aaj mein jee rahe ho toh tumne jeevan jeene ki kala seekh li hai. Isliye kabhi past aur future ki tension mein present ki khusi ko mat khona. Apne andar se aayi iss awaaj ko sunkar Ravi thodi der ke liye shaant sa ho gya, aur tabhi uske face par ek smile aa gayi, usne dekha wo kaafi halka mehsoos kar raha tha, wo thodi der tak wahi baitha raha aur phir bhagwan ko naman karke wo ghar aa gya. Usne realise Kiya ki past aur future ke baare mein soch sochkar wo apne aaj ka samay aur aaj ki khusi dono kho raha tha...usne decide Kiya ki ab woh iss galti ko nahi dohraayega.. Ab wo present mein jeene ki koshish karta hai aur haa ab wo daily subah jaldi uthkar walk par jaata hai aur shri krishna bhagwan ko har din yaad karta hai because unhone hi toh usse jeene ki yeh kala sikhaayi... Dosto, kuch baatein yaad rakhein- Zindagi ek yuddh hai, aur muskurahat aapka sabse bada kavach. "Vartaman ke pal mein jeena hi ekmatra tarika hai jisse aap jeevan ko sach mein anubhav kar sakte hain." Kisi ne kya khoob kaha hai- Kal main chalaak tha, isliye duniya badalna chahta tha. Aaj main samajhdaar hoon, isliye khud ko badalne ki koshish kar raha hoon." Agar aaj ki story aapko pasand aayi ho toh ise like jarur karna aur aisi hi inspirational aur motivational stories and life lessons ke liye "Zindagi ki seekh" ko subscribe karke bell icon ko all pe set jarur kar lena. Phir milte hai ek nayi seekh ke saath.